BUTUAN CITY – Gi-angkon ni Gina Acosta, kanhi Special Disbursing Officer sa Office of the Vice President (OVP), atol sa day 16 sa impeachment proceedings nga si Vice President Sara Duterte ang naghatag og approval o instruction nga i-release ang ₱125 milyon nga confidential funds ngadto kang Col. Raymund Dante Lachica, nga kanhi head sa Vice Presidential Security and Protection Group.
Sumala sa iyang testimony, human gipangutana ni House private prosecutor Virgil Ligutan, gibutyag niining iyang gi-encash ang pondo ug gitugyan ang cash ngadto kang Lachica.
Gipasabot ni Acosta nga iyang gisaligan si Lachica tungod kay gisaligan usab siya ni VP Sara Duterte dayong butyag nga wala siya’y kahibalo kung unsaon pag-implement sa confidential activities ug si Lachica ang adunay kahibalo kabahin niini.
Apan ang maong pamaagi sa pag-release sa pondo nahimong isyu sa Commission on Audit (COA) human una nang gibutyag ni state auditor Xylene del Campo, nga ang paghatag sa cash advance ngadto sa laing accountable person supak sa COA-DBM Joint Circular No. 2015-01, ilabina sa provision nga nagdili sa pag-delegate sa responsibilidad sa disbursing officer.
Nahimong kontrobersyal usab ang testimoniya ni Acosta tungod kay gideklara siya sa Senate Impeachment Court isip “hostile witness.” Nahitabo kini human siya gipangutana kung mawad-an ba siya sa iyang trabaho sa OVP kung ma-impeach o matangtang si Duterte.
Dihang subling gipangutana ni House private prosecutor Virgil Ligutan kung kinsa ang nagmando kaniya nga ihatag kang Lachica ang ₱125 milyon nga confidential funds nga cash.
