BUTUAN CITY – Mi-abot sa 12 ka mga tawo ang patay ug daghan pa ang angol human misarasay sa dalan ang usa ka tourist bus gikan sa Poland ug nahulog sa kanal sa Hungary.
Sigon sa kapolisan, na-aksidente ang bus human kini makagawas sa M3 motorway, nga nagkutay sa Budapest ngadto sa Nyíregy-háza sa amihanang-sidlakang bahin sa Hungary, pasado alas-1:00 sa kaadlawon ning adlawa- oras sa Hungary ug gitu-uhang nakatulog ang drayber samtang nagmaneho, ug gikustodiya na sa kapolisan.
Adunay 57 ka pasahero ug duha ka drayber sa bus kondiin, 35 sa mga pasahero ug drayber ang naluwas sa mga bombero.
Sumala sa Hungarian ambulance service, usa ka tawo ang kritikal ang kahimtang, siyam ang grabeng nasamdan ug laing 37 ang adunay minor injuries.
Nagpaabot na og pahasubo si Hungarian Prime Minister Péter Magyar ngadto sa mga pamilya sa mga namatay ug nanghinaot og dali nga pagkaayo alang sa mga nasamdan.
