BUTUAN CITY – Gibutyag ni kanhi Department of Public Works and Highways kon DPWH Secretary Manuel Bonoan nga namugna ang Senate leadership fund human matud pa nabalaka si Pangulong Ferdinand Marcos Jr sa kadako sa congressional insertions sa national budget.
Nakalatid sa affidavit nga gisubmite sa Sandiganbayan, nga tumong sa maong sistema mao ang paglikay nga makuhaan ang budget sa mga programa sa DPWH.
Imbes nga kuhaan, gusto tinguha niini nga maapil na daan sa proposed budget sa ahensya ang mga priority projects sa mga senador.
Nagsugod matud pa ang problema niadtong 2023, dihang dako kaayo ang pagkunhod sa pondo alang sa mga foreign-assisted projects sa DPWH kondiin gikan sa ₱70.71 bilyon, nahimo na lang kining ₱7.938 bilyon.
Dugang pa, ang mga pondong nakunhoran, apil ang ₱292.715 bilyon nga gidugang sa 2023 General Appropriations Act, nahimong 8,075 ka bag-ong “inserted projects” o mga proyekto nga gidugang sa budget.
Gisultihan matud pa ni Bonoan kalabot niini si Pangulong Ferdinand Marcos Jr nga gikabalaka sa presidente rason nga gimando nga siguruhon nga patas ang pag-apod-apod sa resources, ilabina ngadto sa mga kabus nga probinsya.
Dinhi na gisugyot ni Bonoan ang gitawag nga “Senate Leadership Fund,” aron ang mga priority projects sa mga senador maapil na daan sa proposed budget sa DPWH.
Ang tumong niini, ang pagkunhod sa posibilidad nga usbon o kuhaan sa mga magbabalaud ang budget sa DPWH aron ipasulod ang ilang kaugalingong mga proyekto.
