-- ADVERTISEMENT --
BUTUAN CITY- Human sa iyang kampanya sa Canadian Open, mopadayon na usab si Filipina tennis star Alexandra “Alex” Eala sa iyang North American hard-court swing pinaagi sa pag-apil sa Cincinnati Open, usa usab ka WTA 1000 tournament sa Estados Unidos.
Sumala sa pinakabag-ong mga taho, magpahulay una si Eala sulod sa pipila ka adlaw human sa iyang busy nga sunod-sunod nga mga duwa sa miaging mga semana, lakip ang iyang makasaysayanong pagdaog sa Washington Open.
Ang Cincinnati Open gikatakdang magsugod karong Agosto 13, diin mag-atubang pag-usab si Eala sa kompetisyon batok sa mga top-ranked nga magdudula samtang nag-andam siya alang sa US Open nga magsugod sa ulahing bahin niining Agosto.
