BUTUAN CITY – Natala sa South Korea ang pinakataas nga temperatura sa kasaysayan human mi-abot sa 41-degrees Celsius mugna sa heatwave.
Sigon sa Korean Meteorological Administration, nalabwan niini ang kanhi regional record ga mi-abot sa 40-degrees Celsius niadtong Enero 2018.
Tulo ka sunod-sunod nga adlaw nga milapas sa 40-degrees Celsius ang natala sa Yangsan tungod sa heatwave nga mi-igo sa dakong parte sa maong nasud.
Tungod niini gi-isa na sa South Korea ngadto sa pinakataas nga heatwave warning sa pipila ka mga lugar samtang nagpabilin ang pahimangno sa tibuok nasud.
Ang grabeng ka-init mugna sa dungan nga nagtunhay nga north pacific high tropical high pressure systems nga maoy hinungdan sa pagtapok sa init nga hangin ug nagpugong sa pagmugna og mga panganod.
Padayong gibantayan sa mga otoridad ang typhoon Dolphin nga gila-umang maka-apekto sa init nga panahon sa Korean Peninsula sa musunod nga mga semana.
