BUTUAN CITY – Sirado ang tanang grocery stores karon sa Hikawa, Japan, nga maoy nagrabihan sa magnitude 7.1 nga linog ning ming-aging adlaw tungod sa kadako sa damyos nga gibilin niini.
Sa eksklusibong pakighinabi sa Bombo Radyo Butuan, gipadayag ni Bombo international correspondent to Kashima, Japan Rosalinda Gallardo nga tungod usab kini sa kawala’y supply sa tubig ug kuryente.
Gani kini ang hinungdan nga ang iyang mga ka-ubanan sa trabaho nga atua nagpuyo sa Hikawa, temporaryong gipabalhin og puyo sa ilang amo sa Kashima na sakop sa Kumamoto Prefecture.
Ang maong lugar, duna gihapon matud pa’y sirado nga mga tindahan ug bugtong ang wala nahugmak nga entradang bahin sa AEON Mall mao lang ang duna’y naka-display nga limitadong mga groceries.
