BUTUAN CITY- Nagpasaka ang Bureau of Internal Revenue (BIR) og tulo ka kriminal nga kaso batok sa pipila ka kompanya sa Department of Justice niadtong Hulyo 23, 2026 tungod sa giingong kapakyasan sa pagbayad sa hustong buhis nga mokabat sa kapin P416 milyon.
Lakip sa gipasakaan og kaso ubos sa Run After Tax Evaders (RATE) Program ang usa ka POGO-linked firm, usa ka kompanya sa konstruksyon, ug duha ka VAT-registered real estate sellers.
Pinakadako ang kaso batok sa Zun Yuan Technology Inc. nga adunay gibanabana nga P402.74 milyon nga tax liability tungod sa umano’y dili hustong deklarasyon sa kita gikan sa offshore gaming operations.
Apil usab sa gipasakaan og kaso ang AEP Construction nga adunay P6.02 milyon nga kakulang sa buhis ug duha ka kompanya sa real estate nga adunay kapin P7.31 milyon nga wala mabayri nga buhis.
Matud ni BIR Commissioner Charlito Martin Mendoza, magpadayon ang ahensya sa pagpaningkamot sa pagdakop ug pagpasaka og kaso batok sa mga naglikay sa hustong pagbayad sa buhis aron mapadayon ang patas nga sistema alang sa mga matinud-anong magbubuwis.
.
