BUTUAN CITY – Naka-apekto na bisan sa pananom nga mga talong ang pagdagsa sa bagang duot sa mga langaw sa Purok 3, Brgy Sumilihon ning siyudad sa Butuan.
Sa eksklusibong pakighinabi sa Bombo Radyo Butuan, gipadayag sa mag-uumang si kanhi Cabcabon Brgy Kapitan Manuel Sison nga nagsugod siya pagpanguma sa Brgy Sumilihon niadtong Nobyembre ning mi-aging tuig 2025 ug nabantayan niya nga mudagsa gayod ang mga langaw halos kada-buwan matag-harvest sa poultry harm nga sa iyang lantaw dili gikan sa maong barangay.
Sigon sa kanhi kapitan, dili lang kini hasol sa ilang panglawas tungod kay bisan asa na lang kini manugdong apil na sa pagkaon gawas nga malawgw usab ang ilang pagpahulay.
Samtang dakong kadaut na usab sa iyang gipangtanom nga talong ang maong mga langaw nga nag-produce usab og mga ulod nga maoy nagakalot sa mga bunga niini.
Gani halos sien-mil pisos na ang ilang nagasto sa pagpalit og tambal alang niini apan wala pa gihapon kini ma-uli-i.
