BUTUAN CITY- Nanawagan ang pipila ka Democrats lawmakers sa Estados Unidos kang US President Donald Trump nga pakusgan ang suporta sa Pilipinas taliwa sa padayon nga pagpangpresyur sa China sa West Philippine Sea.
Sumala sa mga niini, subling nakapukos ang administrasyon sa mga kagubot sa Middle East, hinungdan nga nahatagan og higayon ang Beijing nga pakusgan ang presensya niini sa rehiyon.
Gihisgutan usab ni Rep. Eugene Vindman nga kinahanglang ilihis ang atensyon gikan sa “unwinnable wars” ug pukusan ang pagluwas sa mga global standard, partikular sa West Philippine Sea.
Taliwa sa 2016 Arbitral Award nga mingpabor sa Pilipinas, padayon gihapong wala gi-ila sa China ang desisyon ug sa bag-ohay lang nagbutang og floating structure sa Scarborough Shoal nga gisupak sa Manila.
Nasayran nga 86% sa mga Pilipino ang nagtoo nga kinahanglang dipensahan sa gobyerno ang West Philippine Sea kauban ang mga kaalyadong nasud.
Masaligon ang mga magbabalaod nga kung dili gilayon molihok ang Washington, posibleng maghatag kini og impresyon nga huyang ang commitment sa US sa rehiyon, kansa mas nagpakusog sa posisyon sa China.
