BUTUAN CITY – Nagpahimangno ang World Health Organization (WHO) nga mas paspas ang pagkaylap sa Ebola virus sa Democratic Republic of Congo (DR Congo) kumpara sa tanang naha-unang outbreak sa maong makamatay nga sakit.
Sumala ni WHO Director-General Tedros Adhanom Ghebreyesus, mi-abot na sa kapin 2,000 ang kaso sa Ebola nga natala sa maong nasud, lakip na ang 796 nga namatay, duha ka bulan human gideklara ang outbreak.
Tungod niini, gi-isip na kini nga ikatulo sa pinakadako nga Ebola outbreak nga natala sa kasaysayan.
Gidugang pa ni Tedros nga mas paspas ang pagkaylap sa kasamtangang outbreak kumpara sa grabe nga Ebola outbreak sa DR Congo niadtong 2018 hangtod 2020, nga nagkinahanglan og kapin sa 10 ka bulan aron maka-abot sa 2,000 kumpirmadong kaso.
