BUTUAN CITY- Giklaro ni 23rd IB PA 1st Lt Nicole Llamas, nga wala matud pa naigu apan napaso lamang ang dalunggan sa usa ka minor de edad nga taga Brgy Talo-ao Buenavista Agusan del Norte.
Sumala pa niini, nga human nahitabo ang insidente niadtung nakalabayng Sabado ila dayun giadtuan ang maong bata ug ilang gipatupukan ug anti tetanus gumikan sa pasu nga naangkun ni ini.
Gi-angkon usab sa opisyal nga adunay gipahigayong fun shoot niadtung tungora sa ilang firing range.
Kahibaloan nga dili lang ang maong insidente ang nakahatag ug kahadlok ug kaalarma sa mga residente sa lugar gumikan kay pipila na usab ka mga balay ang nangabuslot ang atup tungod gihapon kay naigu kini sa saag nga bala, ug kini mahitabo matud pa kung dunay ipahigayon nga firing ang kasundaluhan sa lugar.
