BUTUAN CITY- Gihangyo ni National Bureau of Investigation (NBI) Director Melvin Matibag, sa House prosecution panel nga maiskedyul og mas sayo ang pagtestigo niini sa impeachment trial ni Vice President Sara Duterte aron dili matud pa malangay ang pagtaral.
Sa sulat nga gipadala ni lead prosecutor ug Batangas Rep. Gerville Luistro, sigon ni Matibag nga nakatakda kining motambong sa usa ka summit sa mga law enforcement leaders sa Thailand sa Hulyo 21 ug 22, hinungdan nga gihangyo niini nga maka-atobang sa Senado adiser ang Hulyo 20.
Sumala ni Matibag, personal niining i-representa ang NBI sa panagtapok kauban ang mga opisyal sa Federal Bureau of Investigation ug Royal Thai Police kalabot sa mga scam ug transnational organized crime sa Asia-Pacific.
Tungod niini, gohangyo ni Martibag nga mag-una ang iyang testimonya aron dili ma-apekuhan ang dagan sa impeachment proceedings. Gilaomang maghatag si Matibag og testimonya kalabot sa imbestigasyon sa NBI sa daw pagpanghulga ni Duterte batok nila President Ferdinand Marcos Jr., First Lady Liza Araneta-Marcos, ug kanhi House Speaker Martin Romualdez.
Ang maong alegasyon ang usa sa mga nag-unang basehan sa Articles of Impeachment nga gipasaka batok sa bise presidente.
