BUTUAN CITY – Laumang unyang hapon pa makaabot sa Vancouver, Canada ang eroplanong gisakyan ni Pangulong Ferdinand Marcos Jr human kini nakagikan kagabii pasado alas 8:26 sa gabii sa Villamor Air Base sa Pasay City.
Ang nasangpit nga upat ka adlaw nga official visit sa Pangulo mao ang pagsanong sa imbitasyon kaniya ni Canadian Prime Minister Mark Joseph Carney.
Atol sa iyang mensahe adiser sa biyahe, gibutyag ni Pangulong Marcos jr nga gilaumang mahisgutan nila ni Prime Minister Carney ang mga pamaagi aron mas mapalalom pa ang kooperasyon sa depensa ug seguridad, pamatigayon ug pamuhunan, renewable energy, mga kritikal nga mineral, ug ang relasyon sa mga lungsuranon sa duha ka nasod.
Magbinayloay usab sila og mga panglantaw kabahin sa pagkapangulo sa Pilipinas sa Association of Southeast Asian Nations (ASEAN), sa Indo-Pacific, sa multilateral nga kooperasyon, ug sa uban pang mga rehiyonal ug estratehikong prayoridad.
Naka-iskedyul usab ang Ehekutibo nga makigtagbo sa mga Canadian business leaders og investors sa Canada alang sa mga oportunidad sa pamuhunan sa mga paspas nga pagtubo nga industriya.
Makighimamat usab siya sa komunidad sa mga Pilipino sa Vancouver aron ilahon ang ilang bililhong kontribusyon sa duha ka nasod.
Alayon niini, gitudlo sa pangulo isip caretaker sa nasud sila Executive Secretary Ralph Recto; Agriarian Reform Secretary Conrado Estrella ug Department of Labor and Secretary Francis Tolentino.
