BUTUAN CITY- Nasulod sa kasaysayan ang Chinatown International District sa Seattle human malampuson nga nakabungkag sa Guinness World Record pinaagi sa pagtigom og 830 ka tawo nga nagkaon og dim sum sa usa ka block party summer kickoff niadtong Huwebes.
Ang unang rekord nga 764 ka partisipante sa Sydney, Australia niadtong 2019 na-apsan sa bag-ong kalihokan nga giatiman sa Jade Garden restaurant, diin gihimo sa chef team ug sa amahan sa tag-iya nga si Eric Chan ang 3,600 ka dumplings ug buns nga paboritong pagkaon sa mga partisipante.
Bisan pa sa 900 ka tawo nga mitambong, 830 ra ang opisyal nga giihap sa Guinness adjudicator tungod kay ang uban wala nagpabilin sa ilang lingkuranan panahon sa headcount. Sumala ni Chan nga dako ang iyang kalipay sa turnout ug sa pagkab-ot sa rekord nga nagdala og dungog sa Seattle ug sa ilang Family Business.
