BUTUAN CITY- Gipahamtang sa Oslo District Court og silot nga upat ka tuig nga pagkapriso si Marius Borg Høiby, stepson ni Crown Prince Haakon sa Norway, human mapamatud-ang guilty sa kasong rape, domestic violence ug uban pang krimen. Sa desisyon nga gipagawas kagahapon Lunes human sa pito ka semana nga pagtaral, nasilotan si Høiby sa 34 sa 40 ka kaso, lakip ang duha ka rape ug daghang insidente sa pagpang-abuso sa iyang kanhi girlfriend.
Ang korte nakabase sa ebidensya sama sa electronic messages, video recordings ug testimonya nga nag-konektar sa iyang paggamit og droga ug marahas nga pamatasan. Bisan pa nga gi-acquit kini sa duha ka rape charges, napatud-an gihapon nga guilty sa drug possession, distribution ug paglapas sa restraining orders.
Ang kampo ni Høiby nagplano sa pag-apelar samtang ang prosekusyon mipasabot nga walay bisan kinsa nga makalikay sa maong balaod. Ang Norwegian royal household wala na naghatag og pamahayag ug mitugot nga ang korte na ang mobaton sa kaso.
