BUTUAN CITY – Nagdasok karon ang mga tawo sa sa usa ka tindahan sa prutas sa New Zealand aron makita ang usa ka talagsaong mansanas nga ang katunga kolor pula samtang yellow uab ang laing katunga.
Ang mansanas nadiskobrehan sa usa ka delivery sa Red Braeburn apples sa Sunshine Corner Market sa Christchurch kondiin halos perpekto ang pagbahin sa duha ka kolor sa tunga sa mansanas.
Gitawag kini nga chimera apple, usa ka talagsaong matang nga mahitabo sa ubos pa sa usa sa matag usa ka milyon ka prutas kansa resulta sa usa ka genetic mutation nga maoy hinungdan nga ang mansanas motubo gikan sa duha ka lainlaing genetic nga selula.
Sigon sa tag-iya sa tindahan nga si Heather, nahimo nang lokal nga sikat ang mansanas rason nga daghang mga tawo ang mudayo sa iyang tindahani aron motan-aw ug magkuha og litrato niini.
Iyang gidugang nga sa iyang dugay nang pagnegosyo sa prutas, karon pa siya nakakita og ingon niini nga mansanas.
Tungod sa ka-talagsaon niini, adunay ubang kostumer nga mangayo pa gani og higayon nga makahikap sa mansanas kay nagtuo sila nga makahatag kini og suwerte ilabi na sa pagsalmot sa mga kompetisyon.
