BUTUAN CITY – Dili pa gihapon maagi-an ang dalan sa Glan, Sarangani province tungod sa nangatipak nga kadalanan ug nagubang tulay human mi-igo ang magnitude 7.8 nga linog ning mi-aging adlaw.
Sigon ni Rodrigo Sosmeña regional director sa Office of the Civil Defense kon OCD-Region 12, pinaka-apektado sa maong linog ang lalawigan sa Sarangani tungod sa kadaghan sa mga namatay hatud sa natigayong mga landslides ug naguba nga mga kalsada.
Dugang sa opisyal, tungod kay dili pa maagi-an ang dalan gikan sa General Santos City padulong sa Glan, gihatud na lang sa mga sakop sa Department of Social Welfare and Development kon DSWD pinaagi sa chopper, ang mga relief goods alang sa mga biktima sa kusog nga linog.
Base usab matud pa sa assessment sa Department of Public Works and Highways kon DPWH, ma-abtan pa og pipila ka semana adiser maagi-an ang nasangpit nga tulay.
Samtang gibutyag ni Glan Mayor Victor James Yap Sr., daghan pa ang missing sa ilang lungsod nga padayon pang gipangita.
