BUTUAN CITY– Nanawagan si Pope Leo XIV atol sa iyang opisyal nga pagbisita sa Spain sa mga lider sa kalibotan nga undangon na ang pagbahinbahin sa katawhan pinaagi sa mga yano ug makapabahin nga naratibo, ug paminawon ang panawagan sa kalibotan alang sa kalinaw.
Atubangan ni King Felipe VI sa Madrid, gipasiugda niini ang pagtahod sa dignidad sa matag tawo ug gipasidan-an nga ang teknolohiya ug social media usahay makapalalom sa mga pagpihig ug makapaluya sa kritikal nga panghunahuna. Gidumala usab sa Santo Papa ang pakigkita sa mga migrante, kabatan-onan, ug mga walay puluy-anan, samtang gidayeg niini ang kasaysayan sa Spain isip ehemplo sa malinawon nga panag-uban sa mga Kristiyano, Muslim ug Hudiyo. Gibanabana nga anaa sa kapin sa 600,000 ka batan-on ug liboan ka ka-tawhan ang mitambong sa iyang mga kalihokan sa Madrid.
Samtang nagpadayon ang iyang Hunyo 6 hangtod 12 nga pagbisita, gikatakda usab siyang makigtagbo sa mga biktima sa seksuwal nga pag-abuso sa Simbahan ug mahimong unang Santo Papa nga motubag sa parlamento sa Spain, uban sa mensahe sa panaghiusa, pagkamabination ug paghatag og paglaom sa bag-ong henerasyon.
