BUTUAN CITY – Malipayong gibalita sa television host nga si Robi Domingo ug sa iyang asawang si Maiqui Pineda ang pagkahimugso sa ilang unang anak.
Sa usa ka video, gipa-ambit sa magti-ayon ang mga panahon sa ospital diin makitang gikugos nila ang ilang bag-ong himugso nga anak.
Madungog pa si Domingo nga gitimbaya ang ilang anak og, “Hi guys, welcome to the outside world,” samtang mitugtug ang “Pinoy Big Brother” theme song nga “Pinoy Ako.”
Sa caption sa post, gipasi-aw pa sa host ang iyang dugay nang koneksyon sa reality show: “Our newest housemate.”
Gelayon usab nga mibaha ang pagtimbaya gikan sa mga higala og kaparehong celebrities lakip sila Gary Valenciano, Darren Espanto, Maja Salvador, Kim Chiu, Luis Manzano, Alexa Ilacad, Bianca Gonzalez, ug Gabbi Garcia.
Nagsugod ang relasyon nila Domingo ug Pineda niadtong Agosto 2018 ug nagpakasal niadtong Enero 6, 2024 sa Diocesan Shrine and Parish sa San Isidro Labrador sa Pulilan, Bulacan, human ang kapin lima ka tuig nga panag-uban.
Bisan og parehong nagtungha sa Ateneo de Manila University, dili sila makauban sa usa ka circle niadtong kolehiyo ug mas nahimong sood lang pinaagi sa ilang mga koneksiyon sa industriya sa telebisyon.
