-- ADVERTISEMENT --
BUTUAN CITY – Mihakot og tulo ka silver medals alang sa Team CaraGold sa tulo ka mga apparatus events sa rhythmic gymnastics, ang pambato sa Trento West Central Elementary School Special Education kon SPED Center sa Trento, Agusan del Sur.
Ang dili matupngang performances ni Alexa Rean Fuentes sa upat ka mga apparatus events nga nagpakita sa iyang talagsaong kanindot musayaw uban sa iyang skill ug determinasyon ang rason nga puno sa garbo ang iyang national podium performance uban sa maayong poise ug excellence.
Tungod niini, iyang nakuha ang mga silver medals alang sa apparatus events nga ball, hoop, ug freehand – ingon man usa ka bronze medal sa clubs sa elementary level competition.
