Politiko sa Africa, ngapalubong uban sa iyang paboritong sakyanan

BUTUAN CITY- Usa ka politiko gikan sa South Africa nga ginganlan og Tshekede Pisto ang nahimong viral sa social media human matuman ang iyang katapusang pangandoy nga malubong kini nga naglingkod sulod sa iyang paboritong Mercedes nga sakyanan. 

‎Sumala sa mga taho, dako kaayo’g kahulugan alang kang Pisto ang maong sakyanan tungod simbolo kini sa iyang kalampusan ug kinabuhi. Tungod niini, imbes nga tradisyunal nga lungon, ang mismong awto niini ang gipahimutangan sa iyang patay’ng lawas nga nag-ingkod. 

Bisan paman nga daghan ang natingala ug natandog sa talagsaong pamaagi sa iyang paglubong, ang maong panghitabo nagpakita sa iyang gugma ug paghatag og bili isip kabahin sa iyang identidad.