BUTUAN CITY- Minghimo og final inspection ang Technical and Facilities Cluster sa mga billeting quarters ug playing venues aron masiguro ang hingpit nga ka-andam sa Palarong Pambansa 2026 o Palaro Tu AgSur nga magsugod sa Mayo 24, 2026.
Gipangulohan ang maong inspection ni Cluster Head Engr. Linda Buquir sa Provincial Engineering Office (PEO), uban ni Undersecretary Malcolm Garma sa Department of Education (DepEd), Governor Santiago Cane Jr., Vice Governor Patricia Anne Plaza, 2nd District Representative Adolph Edward Plaza, ug 1st District Representative Alfelito Bascug.
Ang team maampingong misusi sa kahimtang sa billeting quarters lakip na ang kalimpyo sa kusina, kahimtang sa comfort rooms, suplay sa tubig ug kuryente, ug ang kinatibuk-ang ka-andam sa akomodasyon aron masiguro ang kahupayan ug kaayohan sa mga atleta ug delegado.
Gitan-aw usab pag-ayo ang mga playing venues aron masiguro ang pagsunod sa mga pamantayan, kahimsog sa pasilidad, ug ka-andam alang sa mga kompetisyon ug opisyal nga kalihokan sa Palaro.
