BUTUAN CITY- Gipanghinambog sa Department of Health (DOH) ang halapad nga nakab-ot sa Zero Balance billing (ZBB) program sa panggamhanan.
Nakarehistro sa ahensiya ang hangtud 2.1 million ka pasyente nga wala na makabayad sa ilang mga bill tungod ang Philippine Government na ang mingtubag sa ilang mga pagpatambal. Kung usahon ang nagamit nga pondo alang sa kapin 2.1 million ka paseynte, mo-abot sa P135 billion ang nabayad sa gobyerno isip hospital bill.
Ubos sa NBB, ang mga kwalipikadong pasyente sama sa mga kabos, senior citizen, ug indigent members dili na kinahanglang magbayad og bill gawas sa sakopon sa Philhealth.
Kung mosubra sa Philhealth package ang bill sa maong mga pasyente, bahala na ang gobyerno nga motubag niini, lakip ang pagtubag sa basic accommodation sa mga government hospital.
Sumala ni DOH Secretary Ted Herbosa, tungod sa maong programa wala nay Pilipino ang mamamatay na lang tungod wala natambalan o nadadala sa mga balay-tambalanan.
Sa kasamtangan adunay 83 ka hospital na ubos sa DOH nga pwedeng adtuon sa mga Pilipino. Ang mga niini puros nagpatuman sa NBB o Balance Billing.
