BUTUAN CITY- Anaa na sa kostudiya sa kapulisan ang suspetsado nga giingong mipusil-patay kang Police Staff Sergeant Charito Gepulla, human kini misurender niadtong Mayo 7, 2026 alas 8:30 sa gabii, sa may Barangay Cagniog, Surigao City.
Naila ang suspek nga si Ronel Mapalo Maturan, 23 anyos, ug sumala sa kapulisan, narekober na usab ang service firearm sa namatay nga pulis human kini nailog sa suspek ang iyang service firearm ug maoy giingong gigamit sa krimen.
Kahinumdoman nga nahitabo ang insidente atol sa buy-bust operation nga gihimo sa Provincial Drug Enforcement Unit sa Sitio Cayutan, Barangay Cagniog, niadtong gabii sa Mayo 6, 2026, samtang usa usab ang na-angol human gipusil sa suspetsado.
Sigon pa ni City PNP Chief PLTCOL Atty. Mariano Lukban, nga napasakaan na og kasong Murder ug Frustrated Murder ang suspetsado.
