BUTUAN CITY – Gipa-ameyandahan ni Negros Occidental 3rd District Rep amyendahan ni Javier Miguel Benitez ang Republic Act No. 10659 kon mas nailang Sugarcane Industry Development Act of 2015 (SIDA) aron sugdan ang lapad nga reporma sa ingon mapalig-on ang industriya sa asukal.
Tumong sa House Bill No. 9088 o Tunay na Ugnayan, Buhay, ug Oportunidad sa Asukal kon TUBO Act of 2026, nga masulbad ang padayon nga pag-usab-usab sa produksyon, presyo, ug suplay sa asukal kansa sigon sa mga stakeholders, tungod sa kakulang sa regulasyon, polisiya sa pag-angkat, ug implementasyon sa mga programa.
Ilalom niini, palapdan sa Sugar Regulatory Administration (SRA) ang ilang gahum aron ma-regulate dili lang ang asukal kundi apil na ang sugar substitutes sama sa high-fructose corn syrup ug uban pang caloric ug non-caloric sweeteners sa ingon matapalan ang mga kakulangon sa regulasyon.
Apil sa sugyot ang mga probisyon alang sa mekanismo sa price support, emergency cash assistance alang sa mga apektadong mag-uuma, subsidiya alang sa angay nga mga input sa uma, ug temporaryong loan relief program para sa mga gagmay’ng planters.
