BUTUAN CITY – Gi-aprubahan sa Bangko Sentral ng Pilipinas kon BSP ang temporaryong lakang nga magtugot sa mga bangko nga wala pa marehistro sa payment ug currency systems nga direktang maka-withdraw og cash sa panahon sa kalamidad o emerhensiya.
Tumong niini nga masiguro nga adunay igo nga kwarta ang mga bangko kung maputol ang normal nga operasyon.
Magpabilin nga epektibo ang polisiya hangtod Disyembre 31, 2027.
Ilalom sa polisiya, mahimong maka-withdraw ang mga bangko gikan sa BSP regional o branch offices kung adunay ideklarang state of calamity o suspensyon sa trabaho tungod sa kalamidad, ug adunay gitakdang deadline sa withdrawals human mobalik sa normal ang operasyon.
Kinahanglan nga magsubmite una ang mga bangko og authorization documents sa dili pa ang ilang unang withdrawal, nga kinahanglan aprubahan sa BSP regional operations unit, ug gidasig nga isumite kini daan.
Samtang magpabilin ang service fees sa mga transaksyon ug dili una paninglan og penalties ang mga kanseladong withdrawal.
