BUTUAN CITY – Na-delay og kapin sa usa ka oras ang usa ka flight sa Southwest Airlines gikan sa Oakland pa-ingon sa San Diego, California tungod sa usa ka dili kasarangan nga pasahero nga usa ka robot.
Nasayrang si Eily Ben-Abraham ug ang iyang robot nga si Bebop misakay sa eroplano gikan sa Oakland human nakapalit og ticket alang sa robot.
Apan, na-delay ang flight kay gibutang ang robot sa aisle seat, nga supak sa polisiya sa airline.
Gibalhin gilayon kini sa window seat, pero naa pay laing problema.
Nangutana ang airline staff bahin sa baterya sa robot ug nasuta nga ang lithium battery niini mas dako kaysa gitugot sa airline, mao nga gikuha ug gikompiska kini.
Human gitangtang ang baterya, nakapadayon na sa biyahe si Ben-Abraham ug ang robot.
Bisan pa man niini, gipadayon gihapon sa Elite Event Robotics ng pagpasakay sa ilang robot sa mga flights, pero wala na kiniy baterya sa sulod.
Naka-abot gihapon si Bebop sa iyang event sa Digestive Disease Week sa McCormick Place, Chicago, human gipadala didto ang baterya pinaagi sa overnight shipping.
