BUTUAN CITY – Gipagawas na ni kanhi Anak Kalusugan Partylist Rep Mike Defensor ang video sa panag-istorya nila Sgt. Orly Guteza ug sa iyang asawa.
Sigon ni Defensor anaa na kaniya kaniadto pa ang maong video recording apan mas gipili niyang dili una kini ipagawas tungod sa grabeng kabalaka alang sa seguridad ni Sgt. Orly Guteza ug sa iyang pamilya.
Apan karong pormal na mipasaka og kaso si Ombudsman Jesus Crispin ‘Boying’ Remulla batuk kang kanhi House Speaker Martin Romualdez— kondiin gigamit nga basehan ang affidavit ni Sgt. Guteza ug ang iyang mga testimonya sa Blue Ribbon Committee— mas gipili na lang niyang ipagawas ang kamatu-uran.
Alayon niini nanawagan siya kang Ombudsman Remulla nga luwason si Sgt. Guteza ug protektahan ang iyang kinabuhi ug ang iyang pamilya.
Sa maong video, klarong makita ang pagpamig-ot kang Guteza pinaagi sa pagpugos nga iyang pirmahan ang ubang affidavit ug gikuha pa ang video kondiin gipagawas nga gisa-aran matud pa siya nila Defensor ug ni Senador Rodante Marcoleta og kwarta bugti sa iyang testimonya.
Makita usb nga gipugos siyang ipanghimakak ang mga gihimo niyang delivery sa mga maleta kang kanhi Speaker Martin Romualdez.
Sigon ni Defensor, namulong si Sgt. Guteza alang sa nasud ug karong duna na’y kaso ang Ombudsman batuk kang Romualdez, panahon na aron suklian matud pa ang iyang ka-isog pinaagi sa pagprotektahan kaniya
