BUTUAN CITY – Sulod na sa sunod nga round sa playoffs sa NBA ang Oklahoma City Thunder human niini gisilhig ang Phoenix Suns sa iskor nga 131-122 sa game 4 sa ilang dula kaganina.
Gipangunahan ang Thunder ni Shai Gilgeous-Alexander pinaagi sa 31 puntos nga gidugangan ni Chet Holmgren og 24 puntos.
Hulaton na lang sa Thunder ang modaug sa panag-agbat tali sa Los Angeles Lakers og Houston Rockets diin abante ang Lakers 3-1.
Gitapos sa Thunder ang serye pinaagi sa makabilib nga opensa, diin 17 sa 34 ka tira o 50 porsiento sa three points area.
Dunay dakong parte usab nga mga bigmen sa Thunder diin ang 7-foot-1 nga si Holmgren nga nakapasulod og 9 sa 16 ka tira dugang pa ang 12 ka 12 rebounds samtang ang 7-foot nga si Isaiah Hartenstein midugang og 18 puntos og 12 ka rebounds.
Midugang pa si Ajay Mitchell og 22 puntos og Alex Caruso nga dunay 14 puntos og tulo ka 3-pointers sa first quarter.
Sa kabahinan sa Suns, nanguna niini si Devin Booker pinaagi sa 24 puntos og tag-23 puntos sila Dillon Brooks og Jalen Green.
