BUTUAN CITY – Gipaneguro sa legal nga kampo ni kanhe Pangulong Rodrigo Duterte nga ilang pamatud-an sa pagtaral sa International Criminal Court (ICC) nga usa ka “complete fiction” o hinimo-himo lang ang alegasyong dunay direktiba ang gobyerno nga mopatay sa mga suspek sa ilalom sa war on drugs.
Sigon ni defense counsel Nicholas Kaufman, nagdepende lang ang kaso sa prosekusyon sa mga testigo nga matud pa walay kredibilidad.
Gibalsan niya ang desisyon sa ICC Pre-Trial Chamber I nga mikumpirma sa mga kasong crimes against humanity nga gilangkuban sa murder ug attempted murder batuk sa kanhe pangulo.
Pasabot ni Kaufman, wala pa nasusi sa confirmation hearings ang katoohan bang mga testigo sa prosekusyon.
Gibatikos usab sa depensa ang matud pa posibleng reward sa mga testigo bugti sa ilang mga salaysay, lakip na ang pagka-luwas sa bisan unsang kaso ug paghatag sa bag-ong identity gamit ang pondo sa international community.
Gibarugan sa abogado nga walay kabug-at ang mga ebidensiyang padayon nga giduso sa mga kritiko ni Duterte.
