BUTUAN CITY- Tingkagol na sa presohan ang Persons Deprive of Liberty kon PDL nga ming-iskapo sa Bayugan City Jail niadtong miaging adlaw, pinaagi sa usa ka joint operation sa Bureau of Jail Management and Penology kon BJMP Bayugan City, Philippine National Police ug sa 26th Infantry Battalion, Philippine Army.
Sa ikslusibong pakighinabi ning sibyahan gikomperma ni JSINSP Nicky Sam Macaraeg, Acting Jail Warden sa Bayugan City Jail, nga kagahapon sa ala-una sa hapon nasikop na nila ang PDL nga si Franklin Jacob Silaya sa may Purok-3, Barangay Agsabu, Esperanza, Agusan del Sur kinsa ming-iskapo niadtong Abril 19 sa maong City Jail, gani sumala pa niini nga sa wala pa kini mingikyas mipaubos pa kini sa Skills Enhancement Program diin asa nag-asimbol pa kini og motor tungod sa abilidad nga mikanino.
Sa wala magdugay dinhi na naka kita matud pa og higayon ang maong PDL nga mo ikyas sa maong pasilidad. Base sa initial nga imbestigasyon, gibutyag ni Macaraeg nga si Silaya adunay kompliksyon sa kanhi niining karelasyon rason nga mingtukmod kaniya pagsibat sa pasilidad, gani gikomperma usab sa mga kaubanan niini sulod sa pasilidad ang maong rason ug base na usab sa mga suwat nga nakita nila sa gamit sa maong PDL.
Sa pagkakaron si Silaya gipaubos sa isolation tungod sa pag-tugan niini nga nakagamit og ilegal nga druga samtang anaa kini sa gawas human ming-ikyas ug karun usab ipaubos kini sa drug test. Sa kasamtangan ang PDL nga si Silaya nag-atubang og kasong Republic Act 9165 Section 5 ug Section 11 sa Kidapawan City, Cotabato tungod sa paggamit og ginadiling druga, RA 10951 o Comprehensive Firearms and Ammunition, ug carnapping, ug karun tungod sa pagsibat sa pasilidad posible madugangan ang kaso niini og efficiency of sentence o ang Article 157 Evasion of Service of Sentence.
