BUTUAN CITY – Posibleng hingpit nga tangtangan og lisensiya sa pagmaneho ang kanhe alkalde human ang viral video sa social media diin gipagukod ang usa ka gas attendant sa dihang wala niya gibayaran ang gasolina sa kadalanan sa Maharlika Highway sa Allacapan, Cagayan.
Sumala sa Land Transportation Office (LTO), giandam na ang lifetime revocation sa driver’s license sa kanhe opisyal ug pagbutang sa “alarm” status sa yyang sakyanan aron dili na kini magamit.
Nasayran nga nagpatubil og gasolina ang kanhe alkalde apan wala kini nagbayad og mibiya rasong gigukod siya sa pump attendant nga miyembro sa usa ka Indigenous Peoples (IP) community.
Gipakita pa sa kanhe mayor ang panghitabo pinaagi sa pag-video gikan sa passenger seat sa iyang sakyanan nga nasayrang content vlog lang.
Tungod niini gikondena sa LTO ang gihimo sa kanhe opisyal ug giingong dili dapat himoong content ang usa ka sitwasyon nga delikado naka-degrade sa ubang tawo.
Migawas usab sa imbestigasyon nga posibleng gipanag-iyahan sa kanhe alkalde ang gasolinahan diin nahitabo ang insidente.
Nagpagawas na usab ang LTO og show cause order batuk sa kanhe mayor, sa driver, ug sa rehistradong tag-iya sa sakyanan.
Gipangayoan usab sila og pagpasabot kung nganung dili sila dapat kasuhan og reckless driving ug ideklarang dili angayang magmaneho.
Samtang gimanduan usab ang driver nga i-surrender ang iyang lisensya nga anaa sa 90-day preventive suspension samtang nagpadayon ang imbestigasyon.
