BUTUAN CITY – Gikumpirma sa mga otoridad nga sa walo ka mga bata nga gipamusil-patay sa gunman sa southern US state sa Louisiana, pito niini iyang kaugalingong anak, ug mipusil pa og laing duha ka tawo adiser napatay sa mga otoridad.
Ang mga biktima sa pagpangatake nga nahitabo tali sa duha ka panimalay sa Shreveport, nag-edad og usa ka tuig ngadto sa 12-anyos samtang ang usa sa mga hamtong nga na-angol, inahan sa mga anak sa suspetsado.
Gi-ila ni Shreveport Police Department spokesperson Chris Bordelon, ang suspetsado nga si Shamar Elkins, kinsa napatay sa paggukod sa mga pulis, kondiin gitiro siya human nag-carjack og usa ka sakyanan.
Padayon pang gisuta sa mga imbestigador kung unsa’y hinungdan sa pag-ulbo sa kagubot dayong butyag nga usa lang kini ka domestic incident nga wala pa sukad masakisihi.
Si Elkins na-ila sa mga pulis human kini naaresto niadtong tuig 2019 tungod sa kasong duna’y kalambigitan sa armas apan wala’y record kalabot sa bisan unsa mang domestic violence issues.
