-- ADVERTISEMENT --
BUTUAN CITY- Gikomperma sa Iloilo International Airport nga usa ka eroplano sa Philippine Airlines flight PR 2544 (RP-C8619) gikan sa Dumaguete padulong Manila ang mipatuman og emergency landing bandang alas-4:30 sa hapon Domingo, Abril 19, 2026.
Sumala sa taho sa Airport management, nagkuwang ang oxygen supply sa cabin human maabot sa eroplano ang cruising altitude nga 32,000 feet. Matapos ang insidente, luwas nga nakalanding ang aircraft, apan adunay pipila ka pasahero ang gihatagan gilayon og medical assistance pag-abot sa nasangpit nga Airport.
Padayon usab nga gi-imbestigahan sa mga awtoridad ang hinungdan sa problema aronmasiguro ang kaluwasan sa mga sunod nga biyahe ug malikayan ang susamanag panghitabo.
