BUTUAN CITY- Gikalipay matud pa ang nadungang nga natalang napatay sa mga rebelding sakop sa New People’s Army kon NPA human sa sunod-sunod nga engkuwentro sa bukirang bahin sa Sitio Bulacan, Barangay Bolhoon, San Miguel, Surigao del Sur.
Sa exklusibong pakighinabi sa Bombo Radyo Butuan gibutyag ni Datu Rico Maca, Indigenous Peoples Mandatory Representative kon IPMR sa San Miguel, nga dako ang iyang kalipay ug pasalamat sa kasundalohan ilabi na sa 401st Infantry “Unite N’ Fight” Brigade, 75th Infantry “Marauder” Battalion, 3rd Special Forces Battalion, 30th Infantry Battalion ug 36th Infantry Battalion nga nagpadayon sa operasyon batok sa insurgency. Sigon pa niini, niadtong Abril 15, nakig-engkuwentro usab ang 75th IB ug 3rd SF Battalion diin usa ka rebelde ang napatay apan gikasubo usab ni Maca nga adunay nakalas nga kinabuhi, kung asa gi-ila niini nga biktima sa pagpanglimbong sa Communist Party of the Philippines-New People’s Army-National Democratic Front kon CPP-NPA-NDF.
Taliwa paman niini, mipadayag usab og kalipay si Maca sa pagpaningkamot sa kasundalohan nga tapuson ang insurgency sa rehiyon. Kagahapon sa buntag, duha pa ka rebelde ang napatay sa Barangay San Roque, San Miguel, kansa nagpakita sa padayon nga determinasyon sa militar nga tapuson ang armadong pakigbisog sa Caraga Region.
Dugang pa ni Datu Maca, nga nagpabilin gihapon ang presensya sa mga NPA apan tungod sa massive operation sa mga kasundalohon, daw na-ipit na ang maong grupo.
Sigon pa niini, nga ang namatay kaniadto nga si “Ka Eloy” ug ang laeng duha kagahapon sa buntag gituohang kaubanan matud pa ni Bong Wako kansa maoy naglihok sa bahin sa regional level. Sumala pa ni Maco, nga ang maong kalampusan dili lang alang sa mga kasundaluhan kundi lakip na usab sa mga residente sa maong lugar, gani nanawagan pa kini sa mga nabiling naglihok sa maong walhong grupo hilabi na sa grupo ni Bong Wako ug Dongkoy “Ka Winston” Anop nga anaa sa Front 21, nga mo-surrender na.
