BUTUAN CITY – Nisaad ang Japan nga mag-gahin og 10 bilyones dolyares o bugti sa 600-Bilyones pesos aron tabangan ang mga nasud nga Asyano, partikular sa South East Asia, nga makakuha og enerhiya lakip ang crude oil taliwa sa krisis nga hatud sa giyera sa Iran.
Gianunsyo ni Prime Minister Sanae Takaichi ang bag-ong cooperation framework human ang online meeting kauban ang uban pang Asian leaders.
Gihisgutan usab ni Takaichi nga naglaum ang Japan sa South East Asia para sa petroleum-derived products ilabina sa medical equipment, ug gipamugos nga sood ang relasyon sa Japan sa mga nasud nga Asyano pinaagi sa supply chains.
Tumong sa cooperation framework nga tabangan ang mga nasud sa Asya nga makakuha og crude oil ug petroleum products, mapabilin ang supply chains, ug palapdan ang stockpiles.
Sumala sa Japan’s foreign ministry, ang 10-Bilyones dolyares nga financial aid bugti sa halos usa ka tuig nga crude oil imports sa mga nasud nga lakip sa Association of Southeast Asian Nations (ASEAN).
Ang inisyatiba gidaway sa mga lider gikan sa Pilipinas, Malaysia, Singapore, Thailand, Vietnam, Bangladesh, ug South Korea, ug pondohan sa mga institusyong sama sa Japan Bank for International Cooperation, Nippon Export and Investment Insurance, Japan International Cooperation Agency, ug Asian Development Bank.
Sa summit, nanawagan si President Ferdinand Marcos Jr. nga buhion sa ASEAN ang kasabutan sa fuel-sharing ug gitumbok nga walay nasud nga Asyano ang makalikay sa supply chain shocks kung molihok nga mag-inusara.
