BUTUAN CITY- Gi-anunsyo ni US President Donald Trump nga nagkasabot ang Israeli ug Lebanese leaders sa usa ka 10-day ceasefire kansa magsugod unya alas 5 sa kadlawn oras sa Pilipinas kon alas 5 sa hapon oras sa Amerika, nga gidayeg sa Prime Minister sa Lebanon samtang nagpatawag og emerhensya nga miting ang gabinete sa Israel.
Gipadayag usab sa Jerusalem correspondent nga si Prime Minister Benjamin Netanyahu kinsa nag-atubang og pressure gikan sa US aron mosunod sa interes sa Washington, samtang ang Iran‑backed Hezbollah naglatid og mga kondisyon lakip na ang “walay kagawasan sa paglihok” sa mga tropa sa Israel.
Sumala sa Israeli military sources nga wala silay plano nga mobiya sa habagatan nga bahin sa Lebanon bisan pa sa ceasefire. Gipahibalo usab ni Trump nga iyang imbitaron si Lebanese President Joseph Aoun ug Netanyahu sa White House alang sa dugang nga panag‑istorya.
