BUTUAN CITY- Tulo ka pirma nalang ang kuwang sa gikinahanglang 9 ka pirma aron mapasaka na sa plenaryo ang partial committee report sa Senate Blue Ribbon Committee kalabot sa imbestigasyon sa anomalosong flood control projects, sumala ni Senate President Pro Tempore Panfilo “Ping” Lacson. Lakip sa mingpirma na sa partial committee report sila Senate President Vicente Sotto III, Committee Chair Sen. Ping Lacson, Vice Chairman Erwin Tulfo, Sen. Bam Aquino, Sen. Risa Hontiveros, ug Sen. Kiko Pangilinan.
Bisan paman dili miyembro sa committee, gitugotan si Sotto nga moperma isip ex-officio. Sigon ni Sen. Lacson, adunay duha pa ka Senador nga mipadayag sa ka-andam sa pagperma. Adunay pipila ka mga miyembro usab ang angduha-duha pagpirma o gibawi ang pirma tungod matud pa sa “hangyo” sa ilang mga kanhi kauban sa majority bloc.
Bisan paman, gi-insistar ni Sen. Lacson nga dili niini pugson ang si bisan kinsa man, samytang andam usab si SP Sotto nga motabang aron makakuha og dugang suporta. Kahinumduman, una na nga gisuspende ang mga hearing sa maong isyu tungod sumala ni Lacson, walay pulos ang pagpadayon niini kung walay mapakitang committee report ug supak kini sa mga patakaran sa Senado.
