BUTUAN CITY- Gibana-banang mo-abot sa P170 billion matag tuig ang mawala ngakita sa panggamhanan kung kuhaon ang value added tax kon VATsa mga produktong petrolyo, sumala ni Energy Secretary Sharon Garin niadtong Biyernes, Abril 10, 2026. Sa Press conference, sigon ni Garin nga ang VAT sa petroleum products makapahimo og dakong parte sa koleksyon sa gobyerno, mao nga ang pagtanggal niini magresulta usab sa dakong kakuwangon sa kita sa panggamhanan.
Dugang pa niini, kinahanglan na amendyahan sa kasamtangang balaod sa dili pa mapatuman ang pagtangtang sa VAT sa mga fuel products. Samtang gi-insistar usab ni Marikina Representative Miro Quimbo nga posibleng mas mograbe ang sitwasyon sa nasud kung tang-tangon ang VAT, hilabi na sa nagapadayon nga krisis sa Middle East.
Ming-ugat ang pagsaka sa presyo sa lana human ang unom ka simana nga panagbangi sa rehiyon, kansa mas nagpagrabe sa krisis sa Strait of Hormuz, nga usa sa mga nag-unang ruta sa pangkalibotanong supply sa lana nga nagpagrabe sa pangkalibotanong krisis sa enerhiya. Tungod niini, padayon ang pagsaka sa presyo sa lana sa World Market nga naka-apekto sa Pilipinas nga nagsalig sa labing-minus 98% nga suplay sa krudo gikan sa Middle East.
Sa kasamtangang, minglapas na sa P100 matag litro ang presyo sa fuel sa minglabay nga duha ka simana diin nakapabug-at sa sektor sa transportasyon ug ang kinatibuk-ang galastuhon sa katawhang Pilipino.
