BUTUAN CITY – Mitala og bag-ong kalampusan ang SB19 human nakasulod ang ilang kantang Toyfriend kasama ang Be:First sa Genius Japan Overall Song Chart.
Nag-debut ang kanta sa ika-4 na puwesto karong semanaha , ug kini ang unang entry sa SB19 sa maong chart. Sumala sa Genius, usa kini sa pinakadako nga platform alang sa song lyrics ug musical knowledge.
Nakasulod usab ang ilang kanta nga Wakas sa ika-9 nga puwesto sa Billboard World Digital Song Sales Chart. Ang duha ka kanta kabahin sa ilang pinakabag-ong album nga Wakas at Simula nga gipagawas niadtong Marso.
Madumduman nga nag-perform ang grupo sa Dance Universe Never Killed (DUNK) Showcase sa Japan ning mi-aging bulan, kauban ang uban pang P-pop acts.
Samtang, ipahigayon sa SB19 ang ilang concert nga Wakas at Simula: The Trilogy Finale karong Abril 18 sa SMDC Festival Grounds.
Nakatakda usab silang mag-perform sa Lollapalooza 2026 sa Chicago ug Summer Sonic sa Japan karong tuiga.
