BUTUAN CITY – Gipamugos sa Department of Energy (DOE) nga ang pag-amyenda sa Oil Deregulation Law ang pinaka-importanteng lakang nga dapat himoon sa Kongreso aron maprotektahan ang nasud gikan sa kalit nga pagtaas sa presyo sa lana ilabina sa panahon sa krisis o giyera.
Sa House Committee on Ways and Means , gipangutana ni Rep. Alfredo Garbin Jr. si DOE Sec. Sharon Garin kung unsa ang mga emergency legislative amendments ang irekomenda sa ahensya aron matubag ang padayon nga pagtaas sa presyo sa petrolyo.
Lakip sa mga gipangutana kung pabor ba ang ahensya sa inventory disclosure, anti-profiteering triggers, o ang temporaryong suspensyon sa excise tax ug VAT adjustment para sa produktong diesel.
Tubag sa opisyal sa DOE, bisan og epektibo ang kasamtangang balaod sa normal nga sitwasyon, dili kini igo kung dunay mga pangkalibutanong tensyon ug dunay natural og artificial causes ang pagtaas sa presyo.
Aminado ang kalihim nga hilabihan ka vulnerable ang Pilipinas tungod kay mabati dayun sa bansa ang epekto sa pagsaka sa presyo.
