BUTUAN CITY – Giklaro ni Rodel Deligero, Officer-in-charge, designate sa Overseas Workers Welfare Administration kon OWWA-Caraga nga lakip sa ilang katungdanan kauban ang Department of Migrant Workers kon DMW ang repatriation sa patay’ng lawas sa Overseas Filipino Workers aron makapauli sa Pilipinas.
Kini dayung pagseguro nga mo-asister sila sa pagpauli sa pagpauli sa patay’ng lawas sa OFW nga taga Las Nieves, Agusan Del Norte kansa gitaho sa anak dinhe sa Bombo Radyo nga nakabsan kini sa kinabuhi kagahapon sa alas 3:00 sa kaadlawon human ang pila ka adlaw nga gideklarang brain dead.
Pasabot pa ni Deligero nga responsibilidad usab sa employer ang pagpauli sa patay’ng lawas og didto kini nila ipadala sa address nga gibutang sa kontrata.
Ugaling sa Manila ra naka-address, mo-assist usab sila aron mahatud sa Bancasi Airport gawas pa kini sa benepisyo nga madawat sa pamilya.
Sa hisgutanan usab sa scholarship sa anak gikan sa ilang ahensiya, giklaro sa opisyal nga dili maundang ang maong scholarship basta masunod lang ang guidelines ilabina sa grado nga gipangayu sa OWWA.
