BUTUAN CITY – Walay nakitang mahimong isyu ang Pilipinas sa relasyon niini sa Amerika alayon sa sitwasyong pag-angkat og lana ilabina sa Philippine-Iran-Hormuz deal.
Sigon ni Palace Press Office Secretary Claire Castro nga base sa pamahayag ni Department of Foreign Affairs kon DFA Secretary Ma. Theresa Lazaro nasabtan sa Amerika ang lakang sa Pilipinas nga susama sa pag-angkat og lana sa nasud nga Russia.
Alayon niini gipaneguro usab ni Castro nga pwedeng moagi ang mga barkong dunay kargang produkto sa Pilipinas sa Strait of Hormuz lakip ang petroleum products og uban pang negosyo padulong sa Middle East.
Gitin-aw pa ni Castro nga ang nag-unang tumong sa Philippine-Iran-Hormuz dea aron maseguro ang padayon nga suplay sa produktong lana sa nasud og dili sa agarang epekto sa presyo niini.
Gidugang usab ni Castro nga masayran ang katibuk-ang imbentaryo sa lana human sa panagtigum nga himoon karung adlawa.
Samtang gikumpirma usab ni Castro nga naghaon na og request ang Pilipinas ngadto sa Iran aron tugutan nga maka-agi sa Strait of Hurmoz ang mga Philippine Flagged Bulk Carrier nga dunay sakay nga mga Filipino Seaferrers og dunay kargang produkto sa Pilipinas.
Ang nasangpit nga hangyu giduso niadtong Biernes og kasamtangan pang gisuta ang tubag sa Iran og mga maritime authorities.
Sigon ni Castro nga kung tugutan ang pag-agi, sakop niini ang mga produktong gikan sa Pilipinas ngadto sa Middle East.
