Ulitaw nagpu-asa og 41 ka adlaw aron malabwan ang Ginoo, minglanding sa Balay-tambalanan

BUTUAN CITY- Gitabang ug gidala sa ospital ang 19-anyos nga si Ikechukwu Oke human kining misaka sa bukid sa Abakaliki sakop sa nasod sa Nigeria ug nagfasting sulod sa 41 ka adlaw.

Sumala pa sa inahan nga si Elizabeth Oke, nitungas sa bukid ang iyang anak nga wala magnanghid ug nakuratan nalang siya dihang iyang nakaplagan nga perti na tawong niwanga samtang nagpunay og basa og bibliya.

Subay sa report nga buot matud pa sa batan-on nga palabwan nga record ni Kristo nga nagpuasa sulod sa 40 ka adlaw apan base usab pagduki-duki sa kinabuhi sa batan-on nasayran nga nagpuasa kini gumikan sa iyang problema nga giatubang apil na usab ang ilang kalisod.