BUTUAN CITY – Trending karon ang 76-anyos nga si Lolo Mario Resurreccion, usa ka Grade 12 student sa Sampaguita National High School sa Solana, Cagayan, rason nga nahimo siyang inspirasyon sa kadaghanan tungod sa iyang dedikasyon sa pagtuon.
Sigon ni practice teacher James Michael Banawa, kanunay niyang makita si Lolo Mario sa library nga magtuon ug mangutana kalabot sa iyang mga tun-an.
Karong adlawa, migradwar si Lolo Mario sa senior high school ilalom sa Agri-Fishery Arts track ug ang iyang edad, pamatuod nga “age is just a number.”
Alang kang Lolo Mario, wala niya igsapayan ang pila ka dekada niyang paghulat nga matuman ang iyang pangandoy tungod sa daghang mga babag nga iyang nasugatan.
Espesyal kini nga adlaw karon ni Lolo Mario tungod kay ang iyang pagdawat og diploma, na-atol man sa iyang adlaw’ng natawhan.
