BUTUAN CITY- Nanawagan si Senador Risa Hontiveros sa gobyerno nga maminaw ug aksyonan gilayon ang mga reklamo sa transport sector taliwal sa nagpadayon nga pagsaka sa presyo sa langis.
Sumala sa senador, nga nangdaghan ang mga commuters nga nagsalig sa pampublikong transportasyon, apan nakuhaan ang mga mingbyahe nga public utility vehicles tungood sa pagkalugi.
Sigon ni Hontiveros dili igo angv tenporaryong lakang sama sa suspensyon sa excise tax ug gi-insistar nga kinahanglan ang konkretong solusyon alang sa sektor.
Bisan paman gi-ila niini ang P5,000 transport subsidy, dayong butyag nga dili kini igo ug kinahanglan pang palapdan hilabi na nga ming-abot na sa gibana-banang ₱1,000 ang lugi matag adlaw sa usa ka modern jeepney unit.
Gisugyot usab sa senador nga pinaagi sa Senate Bill No. 1986 ang usa ka ₱52.8 bilyong subsidy package, lakip ang ₱12 bilyon alang sa transport subsidy kansa makapahimolos ang mga driver sa PUV, delivery riders ug TNVS drivers.
Gawas niini, gipasiugda ang panginahanglanon nga suportahan ang transport cooperatives ug palapdan ang service contracting program aron masiguro nga magpadayon ang perasyon sa mga driver. Nanawagan usab si Hontiveros nga padali-on ang pagpang-apod-apod sa ayuda ug hawa-on ang mga babag sama sa “first owner” rule nga daw nagpalisod sa daghang operator.
Matud pa sa senador, kinahanglang molihok gilayon ang panggamhanan aron malikayan ang mas dakong epekto sa transport sector ug sa presyo sa mga palaliton.
