BUTUAN CITY – Nadesisyunan sa mga local chief executives sa Agusan del Sur nga isibog una ang pagsa-ulog nila sa Saedow Tu Naliyagan alang ning tuiga tungod sa paghimo nila og kasaysayan.
Isip proud host sa Palarong Pambansa 2026, ang entiro lalawigan apil na niini ang provincial government, siyudad sa Bayugan ug tanang munisipalidad, maghi-usa ug komitido sa paghatud sa usa ka nasudnong kalihukan nga mahimong garbo unya sa matag-AgSurnon.
Isip usa ka selebrasyon nga maghi-usa sa matag-local government unit sa tibuok lalawigan, ha-um lang ga ilusad kini nga puno sa enerhiya, preparasyon ug presensya sa tanan ug karong tuiga, ang enerhiya iya sa Palaro Tu AgSur 2026. Ang uban nga mga Naliyagan Festival activities magpadayon base sa eskedyol.
Mubalik ra matud pa ang Saedow Tu Naliyagan ug pag-abot sa maong panahon, ang matag-LGU magpakita sa ilang pinaka-maayo, andam sa pagsa-ulog sa kultura ug pag-ila nga maghimo kanilang proud AgSurnon.
Sa pagkakaron, magmartsa sila nga maghi-usa ngadto sa mas dako nga entablado kondiin samtang nagtan-aw ang nasud, andam niini ang Agusan del Sur.
