BUTUAN CITY – Mitaliwan na ang sikat nga martial artist ug Hollywood actor nga si Chuck Norris sa edad nga 86-anyos.
Gikumpirma sa iyang kabanay ang pagtaliwan sa aktor samtang kini anaa sa Hawaii.
Wala na naghatag pa og bisan unsang hinungdan sa pagkamatay sa aktor ug nangayu sila og privacy.
Misikat ang aktor niadtong dekada 80 sa mga martial arts ug action movies.
Naila kini sa paghawid sa papel niya isip si Texas Ranger Cordell Walker sa CBS TV show nga “Walker, Texas Ranger”niadtong 1990.
Sa nakalabay nga mga tuig talagsa na lang ang paggawas niini sa mga pelikula nga ang katapusan niadtong 2012 sa pelikulang “The Expandables 2”.
Usa siya ka black belter holder sa pipila ka martial arts ug nakadaway ug Hollywood Walk of Fame niadtong 1989.
Tuig 2010 sa dihang giila siya isip aktual nga Texas Ranger.
Naila kining sood sila ni Bruce Lee sa pipila ka tuig diin dungan silang nagbansay niadtong dekada 60 ug mibida sa pelikulang “The Way of the Dragon” niadtong 1972.
Mitaliwan ang inahan niini niadtong 2024 ug ang unang asawa niini nga si Dianne Holecheck niadtong Disyembre.
Niadtong Marso 10 giselebrar sa beteranong aktor ang iyang ika-86 nga adlaw’ng natawhan.
Gihimugso niadtong 1940 sa Oklahoma ug nagsilbi sa US Air Force sugod sa 1958 hangtud 1962.
Duha ka higayon kini nga gikasal diin dunay lima ka anak nga sila Mike Norris ug Nascar driver nga si Eric Norris.
