BUTUAN CITY – Usa ka high school sa Changhua County sa Taiwan ang misikat tungod sa paghagit sa ilang mga estudyante nga mukatkat sa 5-ka andanang gitas-on sa bungbong aron ilang madawat ang ilang graduation certificates.
Ang bag-uhay lang nga solo nga pagkatkat ni Alex Honnold sa Taipei 101 tower mipukaw sa interest sa isla sa extreme climbing, apan ang wala masayri sa tanan nga dugay na diay nga gi-require sa Ershui Junior High School sa ilajng mga estudyante nga mahimong maayong mga climbers aron lang mapirmahan ang ilang graduation certificates.
Ang Ershui Junior High School grounds nag-host sa pinakataas nga climbing wall sa Taiwan, kondiin kini dili lang aron pagpakita’g gilas.
Ang ilang mga estudyante mukuha og unom ka mga climbing lessons kada-puto kondiin kinahanglang makatkat ang 15-metrogn gitas-on sa rock wall aron makuha ang ilang graduation certificates.
Ang maong pinasahi nga graduation requirement dili lang maghagit sa limits sa mga estudyante apan muba-id usab sa ilang focus, balance ug physical coordination.
Ang bugti sa lima ka andanang building nga rock wall sa Ershui Junior High School, daw intimidating tan-awon alang sa kadaghanang mga hamtong apan kinahanglan kining ma-master sa mga batan-ong estudyante kung gusto nilang mapirmahan ang ilang graduation certificate.
Alang sa mga batan-on, dili kini angayang kahadlukan tungod kay ganahan sila og rock climbing, kondiin ang uban kanila, ubanon pa ang ilang mga ginikanan kung libre ang ilang oras..
