BUTUAN CITY – Naghanyag ang US State Department og 10-milyones dolyares nga reward alang sa mga makatudlo sa nahimutangan bsa pipila ka mga nag-unang lider sa Iran.
Kauban na sa listahan niini ang bag-ong Supreme Leader nga si Mojtaba Khamenei.
Kini ang kabahin sa Rewards for Justice Program diin ang hiniusang pag-atake sa US ug Israel ngadto sa Iran miresulta sa pagkamatay ni Ayatollah Ali Khamenei ug uban pang mga tag-as nga opisyal sa Iran.
Sumala pa sa US nga ang nasangpit nga mga indibidwal maoy nagmando ug dunay direktang kagahum sa Islamic Revolutinary Guard Corps sa Iran nga nagplano ug nag-organisa og terorisimo sa tibook kalibutan.
Ang pipila nga anaa sa listahan sa US State Department gilangkuban nila Minister of Intelligence Esmail Khatib; Deputy Chief of Staff Ali Asghar Hejazi; Major-General Yahya Rahim Safavi; Brigadier General Eskandar Momeni ug Secretary to the Supreme Council Ali Larijani.
